ஜனநாயகப் பிரதிநிதி....
காலை எழுந்ததும் தந்தி பேப்பர்
பிதுக்கி பிழிந்த பேஸ்டில் பல் துலக்கல்
காலைக்கடன் ஸிசர்ஸ் சிகரெட்டுடன்
நெஸ்கபே குடித்து குளியல் அறையில்
தன் அந்தரங்கங்களை சரி பார்த்து
வெளுத்த சட்டை வேஷ்டியுடுத்தி
நெற்றியில் வெள்ளை சிவப்பாய்
ஏதோ ஒன்று தினம் இடுவதை இட்டு
சூடாய் வேண்டும் என்றும் கோபமாய்
நாஷ்டா முடித்து கலையாமல் கை கழுவி
வெளியே நிற்கும் அத்தனை முட்டாள்களுக்கும்
ஒரு பெரிய கும்பிடு போட்டு உதவியாளனை
விளித்து இன்றைய வருமானம் குறித்து
தெளிவடைந்து வண்டி பிடித்து ஓசியில்
கோட்டை வரை சவாரி செய்து
உள்ளே உட்காரப் போகையில் தன்
தலைவன் சொன்னான் என்று வெளிநடப்பு
செய்து ஜனநாயகம் காப்பாற்றும்
நாம் தேர்ந்தெடுத்த நம் பிரதிநிதி.....
இதற்கு குழுசேர்:
கருத்துரைகளை இடு (Atom)
கருத்துகள் இல்லை:
கருத்துரையிடுக