வேலை வெட்டி செய்ய வேண்டி
வெட்டி வேலை செய்பவன்....
காலச் சக்கரம் சுற்ற வேண்டி
காலால் சக்கரம் சுற்றுபவன்...
பாக்கெட்டிலும் கை வைப்பான்
ஜாக்கெட்டிலும் கை வைப்பான்...
ராமன் இவன்தானோ...
இன்று போய் நாளை வா என்பானே...
அருகில் உதவியாய் அங்கு(ஸ்தான்) தைப்பானை
அங்கு (உ)தைப்பானே...
பழைய துணி தைக்கான்! மழைக்காலத்தில்
அல்லது புதிய துணி இல்லாதபோது..
இவன் பெண் உடுத்தும் துணிகள் எல்லாம்
ஊரான் வீட்டு துணியின் மிச்சம்....
தையல்காரன் புதுத்துணி உடுத்தியதை
நீவிர் எங்கேனும் பார்த்ததுண்டோ?
தீபாவளியோ பொங்கலோ கிறிஸ்துமஸ் இல்லை
ரம்ஜானோ இவன் உறங்கியதாய் நினைவில்லை...
ஏற்ற தாழ்வு தையல்காரனிலும் உண்டன்றோ?
கடை வைத்தவன் மற்றவன் கையில் சுமப்பவன்..
ஆயத்த ஆடை வந்தபின் வேலை வெட்டி
ஏதும் இன்றி வெட்டி வேலை ஆனதே....
அடுத்த முறை ஆயத்த ஆடை வாங்கும்போது
இக்கவிதை உனக்குள்ளே எட்டிப்பார்க்கும்...
முடிந்தால் உதவி செய்! ஒரு துணியேனும்
தைக்கக்கொடு ஒரு வேளை சோற்றுக்காய்...
::::நாகராஜன்:::
இதற்கு குழுசேர்:
கருத்துரைகளை இடு (Atom)
கருத்துகள் இல்லை:
கருத்துரையிடுக